24 тамыз күні «АКАС» агрофирмасы» ЖШС базасында ғылыми-тәжірибелік семинар өтті.
Жәңгір хан университетінің жас ғалымдарымен өткен шара 2021-2023 жылдарға арналған бағдарламалық-нысаналы қаржыландыру шеңберіндегі «Қазақстанның әр түрлі табиғи-климаттық аймақтары үшін бейімделген ресурс-энергияны үнемдейтін және цифрлық технологияларды қолдану негізінде сүтті ірі қара мал шаруашылығында күтіп-бағу, азықтандыру, өсіру және көбейту технологияларын жасау» жобасы аясында ұйымдастырылды. Оған шаруа қожалықтарының басшылары мен мамандары, БҚАТУ-дың профессорлық-оқытушылық құрамы, докторанттары қатысты. Семинар барысында ғалымдар жоба барысында алынған аралық нәтижелерімен бөлісті.
