Құрметті әріптестер!
Жәңгір хан атындағы Батыс Қазақстан аграрлық-техникалық университетінің «Ақпараттық технологиялар» жоғары мектебі 2023 жылғы 17 қазанда Erasmus+ACeSYRI «Информатика саласындағы докторанттар мен жас зерттеушілерге арналған озық орталық» (ACeSYRI) жобасы шеңберінде университеттің 60 жылдығына арналған «SMART CITY: ТЕХНОЛОГИЯ ЖӘНЕ ИННОВАЦИЯ» халықаралық ғылыми-практикалық конференция өткізеді.
Конференцияға қатысуға «Ақылды қалаға» арналған зияткерлік ақпараттық-телекоммуникациялық жүйелердің заманауи мәселелеріне қызығушылық танытатын ғалымдар, сарапшылар, журналистер, практиктер, түрлі білім беру және ғылыми салалардың жас зерттеушілері шақырылады.
Конференция жұмысына қатысу үшін 2023 жылғы 10 қазанғадейінгі мерзімде 1-қосымшада келтірілген талаптарға сәйкес ресімделген мақаланы жолдау қажет.
Мақаланы жариялау үшін mizamgul@mail.ru. электрондық поштасына жіберу керек.
Конференцияның жұмыс тілдері: қазақ, орыс, ағылшын.
Конференцияға қатысу және жинақтың электронды нұсқасында мақала жариялау тегін.
Конференция нәтижелері бойынша университет сайтында орналастырылатын тезистер жинағын электронды түрде шығару көзделген.
Қатысу формалары: күндізгі немесе қашықтықтан.
Барлық тезистер плагиатқа қарсы жүйеде бірегейлікке тексеріледі, мәтіннің бірегейлігі кемінде 70% болуы керек, әйтпесе жұмыс жариялауға қабылданбайды.
Ескертпе: көптеген грамматикалық, орфографиялық, стилистикалық қателіктер жіберілген және көрсетілген талаптарға сәйкес келмейтін автоаудармашыны қолдана отырып аударылған мақалалар жариялауға қабылданбайды.
