Жәңгір хан университетінің белсенді жастарынан құралған команда қаламыздағы жоғары және арнаулы орта оқу орындары арасында ұйымдастырылған «Oral jastary-2024» фестивалінде І орынды иеленді.
Университетте жеңіске жеткен команданың жүлдегерлерін құттықтау шарасы өтті. Шара барысында жеңімпаздарды айтулы жетістіктерімен университет проректорлары Нұркен Губашев пен Ақылбек Сұлтанов құттықтап, олардың табысты сәттерінің молая беруіне тілектестік білдірді.
Атап айтсақ, БҚАТУ командасы аталмыш байқауда «Пікір сайыс», «Заманауи би», «Хор ұжымы», «Шахмат» (Ердәулет Нұрым), «Волейбол», аталымдары бойынша І орынды иеленді. Ал «Үздік мобилограф» (Айнұр Қайратбаева) және «Шағын футбол» аталымдары бойынша ІІ орынға қол жеткізсе, «Садақ ату» (Айзада Мәлік, Бекарыс Жұмағалиев) аталымында ІІІ орынға ие болды.
