Жәңгір хан университетінде ел Тәуелсіздігінің 30 жылдығы аясындағы іс-шаралар жалғасын табуда. Осындай кезекті әдеби-сазды кеш Бөкей хандығының 220 жылдығына, Жәңгір мектебінің 180 жылдығына және Қазақстан Журналистер одағы сыйлығының иегері, жерлесіміз Тілекқабыл Боранғалиұлының 70 жылдығына арналды. Атаулы іс-шараны университеттің «Рухани жаңғыру» орталығы мен Жәңгір хан атындағы тарихи-этнографиялық музейі бірлесе ұйымдастырды.
Кеш барысында Тілекқабыл Боранғалиұлы туралы жасақталған «Тау тұлғалы қайраткер» көрмесі мен «Елі сүйген қаламгер» атты слайд-шоу таныстырылды. Ұйымдастырушылардың мақсаты – ұлы тұлғалардың өмір жолын таныстырып, патриоттық рухта тәрбиелеу.
