Мамыр айында Тілдерді дамыту орталығының шетел тілі пәні оқытушылары «Friendly people-friendly languages» тақырыбында іс-шара ұйымдастырды.
Оған Өзбекстаннан келіп оқып жатқан 1-курс студенттері қатыстырылды. Олар әрбір халықтың тілін, мәдениетін, салт-дәстүрін көрсете білді. Тіл – халықтың тарихы, мәдениеті мен өркениетке қол жеткізудің кілті, халықтар арасындағы достық, бірлік және келісім тірегі. Іс-шара мақсаты – студенттерді мемлекеттік және басқа да тілдерді үйренуге, тілдің әлеуметтік-коммуникативтік қызметін кеңейтуге, тіл байлығын дамытуға ынталандыру, ағылшын тілі туралы білімдерін жандандыру және кеңейту, тілдерге сүйіспеншілік пен қызығушылыққа, төзімділікке, достық пен өзара түсінушілікке тәрбиелеу. Іс-шара барысында сөз алған шетелдік жастар өз ойларын ортаға салып, ағылшын тілі мен мәдениетінің маңыздылығын сөз етті. Студенттер шара барысында қазақ, орыс, ағылшын, өзбек тілдерінде ән-тақпақтар мен жырларын арнады. Атап айтсақ, Йигиталиев Шахбозбек, Умарова Алина, Курбоналиев Сардорбек, Камолхонов Шерзод, Мухсинбаев Азизбек, Утаев Абдинаиб, Баходиров Нурилло,Уткиров Мехриддин белсене қатысты.
