Университетімізде «Рухани жаңғыру» бағдарламасы аясында «Білім алушылардың IT құзыреттіліктерін дамыту үшін IT платформа» жоспарының кестесіне сай 24 сәуір күні «SMART-UNIVERSITY: Қауіпсіздік, қолжетімділік және даму» тақырыбында конференция өткізілді. Конференцияны ұйымдастырушылар Ақпараттық технологиялар орталығының оқытушылары С.К.Баигубенова, А.М.Базарбаева.
«SMART-UNIVERSITY: Қауіпсіздік, қолжетімділік және даму» тақырыбында өткізілген конференцияға «Ақпараттық технологиялар» орталығының оқытушылары және «Ақпараттық жүйелер» мамандығының білім алушылары қатысты.
Конференцияның мақсаты – білім алушылардың IT құзыреттіліктерін қалыптастырудағы SMART технологияларды қолдану және пайдалану тиімділігі аясында конференция қатысушылары арасында пікір алмасып, тәжірибемен бөлісу.
Конференцияда төмендегідей баяндамалар оқылды: Бекенова А.С. – Smart университет – білім берудегі инновация дамуының негізі, Насс О.В, Абуова Ж.М, Вахитова А.Х. – Электронные образовательные ресурсы для реализации Smart-технологий обучения, Жаксылыкова Г.А., Хайруллина А.С – Основные принципы и парадигмы системы smart-образования, Баигубенова С.К., Диярова Л.Б. – Болашақ мамандардың ақпараттық-коммуникативтік құзыреттілігін қалыптастырудағы инновациялық әдістер, Базарбаева А.М. – Робототехника үйренуде arduino-ны пайдалану, Таскаирова А.А. – Математиканы оқытуда инновациялық технологияларды пайдалану, Кудайберген Манас, жетекшісі.: Таскаирова А.А – Мобильді оқытуды қолдану тиімділігі – студент көзімен.
Конференция қатысушылары үлкен белсенділікпен қатысты. Баяндамашыларға әр түрлі сұрақтар қойылып, дискуссия түрінде талқыланды.
