«Ветеринария және биоқауіпсіздік» жоғары мектебінің сабақ өту барысы

«Мал шаруашылығы өнімдерін ветеринарлық санитарлық сараптау» пәні бойынша «Ет және өнімдерінің тасымалдау ережесі және оны бақылау» тақырыбы аясында ВС-31 топ студенттерінің тәжірибеге бағытталған сабақтары ішкі сауда объектісі «Ел-Ырысы» базарының ветеринарлық санитарлық сараптау зертханасында өткізілді. Сабақ барысында студенттер етті тасымалдау ережелерімен, құжат түрлерімен, сонымен қатар тасымалданатын ет және ет өнімдеріне бақылау жүргізу ережелерімен танысты. Сабақты жүргізген «Ветеринария және биоқауіпсіздік» жоғары мектебінің доцент м.а., в.ғ.к. Б. Е. Нургалиев.