Ақпараттық технологиялар жоғары мектебі

Ақпараттық технологиялар мектебі келесі білім беру бағдарламалары бойынша мамандар даярлауды жүзеге асырады:

Бакалавриат 6В06100 – “Ақпараттық жүйелер және технологиялар”

Магистратура 7М06100 – “Ақпараттық жүйелер және технологиялар” ғылыми-педагогикалық бағыт, 7М06110 – “Ақпараттық жүйелер және технологиялар”  бейіндік бағыт.

Білім беру бағдарламасы – ақпараттық жүйелерді математикалық, ақпараттық, бағдарламалық, лингвистикалық, техникалық және ұйымдық-құқықтық қамтамасыз етуді қоса алғанда, әртүрлі бейіндегі ақпараттық жүйелерді жобалау, әзірлеу, енгізу, сүйемелдеу және пайдалану саласында жоғары білікті мамандарды даярлау.

Білім беру бағдарламасының миссиясы – қоғам мен мемлекеттің қажеттілігін ақпараттық технологиялар саласындағы жаңа генерацияның кадрлық және ғылыми ресурстарымен қамтамасыз ету, сондай-ақ білім мен ғылымның кіші жүйелерін қамтитын Батыс Қазақстанның инновациялық экономикасының орнықты дамуын үздіксіз қолдау.

Жоғары мектептегі ғылыми-зерттеу қызметі бүкіл университеттің ҒЗЖ аясында жүргізіледі. Бірнеше ғылыми бағыттар бойынша жұмыстар жүргізілуде. Жоғары мектепте ақпаратты өңдеу және басқару жүйелерін жобалаудың әртүрлі аспектілеріне байланысты мәселелер бойынша белсенді ғылыми қызмет жүргізіледі. Жобалар ҚР Білім және ғылым министрлігінің тапсырысы бойынша жеке бастама бойынша орындалуда. Ғылыми қызметке жоғары мектепте оқитын студенттер, магистранттар белсенді түрде тартылады.

Ғылыми зерттеу тақырыбы: “Басқару міндеттерін шешу үшін университеттің ІТ – инфрақұрылымын жоспарлау және дамыту»

Ғылыми жұмыстың мақсаты: университеттің сенімді, заманауи, бейімделген, икемді және функционалдық IT-инфрақұрылымын әзірлеу, ақпараттық ресурстардың барлық кешенін басқаруды жақсарту, сондай-ақ IT-инфрақұрылымының ЖОО-ның стратегиялық мақсаттарына сәйкестігін қамтамасыз ету.

Ақпараттық технологиялар жоғары мектебі базасында университет студенттеріне арналған 3 үйірме жұмыс істейді: “Мультимедиялық технологиялар”, “Бағдарламалау технологиясы” және “Робототехника”.

“Бағдарламалау технологиясы” үйірмесінің қатысушылары “Ақпараттық жүйелер” мамандығының бакалавриат студенттері болып табылады. Осы үйірме аясында жыл сайын 2 турда жоғары мектеп деңгейінде бағдарламалау бойынша олимпиада өткізіледі. Олимпиада жүлдегерлері техникалық жоғары оқу орындары арасында бағдарламалау бойынша Республикалық олимпиадаға қатысты.

“Робототехника” үйірмесі 2019-2020 оқу жылынан бастап жұмыс істейді. Бұған “Робототехника” зертханасының ашылуы ықпал етті.

“Мультимедиялық технологиялар” үйірмесі аясында білім алушылар жыл сайын түрлі республикалық және халықаралық олимпиадалар мен конкурстарға қатысады.