Жалпы минаатқыштар бөлімшелерін жауынгерлік қолдану

2 жыл

«Жалпы минаатқыштар бөлімшелерін жауынгерлік қолдану» мамандығы бойынша әскери даярлық курсынан өткен запастағы офицер бейбіт және соғыс уақытында артиллерия бөлімдері мен бөлімшелерінде, бастапқы офицерлік лауазымдарда қызмет өткеруге арналған.

Запастағы офицер:

• жоғары деңгейдегі тактикалық, тактикалық-арнайы, әскери-техникалық және жалпыәскери дайындыққа ие болуы;
• базалық және салалық пәндер бойынша жеткілікті білімге ие болуы, осы білімін практикалық жұмыстарда қолдана білу дағдысына ие болуы;
• бөлімшеде жоғары жауынгерлік және жұмылдырылған әзірлікті қолдауы, мықты әскери тәртіп пен жарғылық тәртіпті қолдауы, бағыныштыларды оқытуда және тәрбиелеуде әскери педагогика қолдануы тиіс.

Білуі керек:

• артиллериялық жүйелер мен олардың оқ-дәрілерінің, артиллериялық бөлімшелердің есебінде тұрған аспаптардың мақсатын, жалпы құрылысы мен тактикалық-техникалық сипаттамаларын;
• артиллериялық қару-жарақты пайдаланудың, күтіп-ұстаудың, жинаудың және сақтаудың негізгі ережелері мен қағидаларын;
• зеңбіректі қарау, атысқа және маршқа дайындау, артиллериялық қару-жарақты жинау, сақтау және пайдалану ережелері бойынша практикалық дағдыларды.
Істей алуы қажет:
• взводтың жоғары жауынгерлік дайындығын қолдауды;
• ұрыстың әртүрлі түрлерінде взводтың жауынгерлік іс-қимылдарын ұйымдастыру және басқаруды;
• жауынгерлік тәртіпті, атысты жүргізу және жауынгерлік тәртіпті ауыстыру кезінде взводты басқару, жауынгерлік қолдануға материалдық құралдарды, аспаптар мен қару-жарақты дайындауды.
Дағдыларды пысықтауы керек:
• миноатқыш взвод артиллеристінің жауынгерлік қолдану қағидаларын, Құрлық әскерлері бөлімшелерінің жауынгерлік іс-қимылдарды жүргізу қағидаларын білетін және артиллериялық бөлімшелердің жауынгерлік міндеттерін шешу кезінде олардың ережелерін қолдана алатын запастағы офицер – артиллеристі даярлауда;
• взводтың жоғары жауынгерлік әзірлігін қолдауда.

Запастағы лейтенант