Ветеринарлық-санитарлық сараптама

2 жыл

«Ветеринарлық-санитарлық сараптама» мамандығы бойынша әскери кафедрада дайындықтан өткен запастағы офицер – бейбіт және әскери кезеңде кіші буын командирлері ретінде әскери қызмет ету үшін дайындалған.

Запастағы офицер:

• жоғары деңгейдегі тактикалық, тактикалық-арнайы, атыс және техникалық дайындыққа ие болуы;
• базалық және салалық пәндер бойынша жеткілікті білімге ие болуы, осы білімін практикалық жұмыстарда қолдана білу дағдысына ие болуы;
• бөлімшеде жоғары жауынгерлік және жұмылдырылған әзірлікті қолдауы, мықты әскери тәртіп пен жарғылық тәртіпті қолдауы, бағыныштыларды оқытуда және тәрбиелеуде әскери педагогика қолдануы тиіс;
• жануарлардан алынатын өнімдер мен шикізатты бақылау саласындағы мемлекеттік шекарадағы ветеринариялық-санитариялық қызметтің қағидалары мен міндеттерін, әскерлердің жеке құрамын адамдар мен жануарларға ортақ аурулардан қорғау жөніндегі ветеринариялық қызметтің іс-шараларын білуі қажет.

Білуі керек:

• қазіргі заманғы жалпыәскери ұрыстың негіздерін, ұрысты ұйымдастыруды және жүргізуді;
• ҚР Қарулы Күштерінің құрылу тарихын, құрылымын, даму міндеттері мен перспективаларын, ҚР ҚК түрлерінің рөлі мен мақсатын;
• қазіргі заманғы соғыстың сипатын, сол кезде қолданылатын қарулы күрес құралдарын, қазіргі жалпыәскери ұрыстың негіздері мен оның негізгі түрлерін;
• ұрыстағы бөлімшелерді басқару тәсілдері мен құралдарын;
• қару-жарақтың мақсаты, тактикалық-техникалық сипаттамалары және жалпы құрылысын, ЖҰМ қару-жарағының мақсаты мен жауынгерлік мүмкіндіктерін.
Істей алуы қажет:
• бөлімшенің, взводтың ұрысын ұйымдастыруды және ұрыста бөлімшелерді басқаруды;
• атыс даярлығы бойынша сабақтарда оқу құралдары мен техникалық оқыту құралдарын қолдануды;
• оқ атуды және бағдарламада көрсетілген атыс жаттығуларын орындауды;
• күндіз-түні ұрыстың әртүрлі түрлерінде взвод атысын басқаруды;
• ветеринарлық қызметтің жағдайын талдау және бағалау;
• мекемеде ветеринариялық қызмет бойынша жұмылдыру жұмыстарын жүргізу;
• ветеринарлық қызметті ұйымдастыру, есепке алу және есеп беру.
Дағдыларды пысықтауы керек:
• мотоатқыштар взводымен жалпыәскери ұрыстың негізгі түрлерін ұйымдастыруда, басқару, қамтамасыз ету және өзара іс-қимыл мәселелерін шешуде;
• мотоатқыштар бөлімшесінің, взводтың қорғаныс және шабуылдағы жауынгерлік мүмкіндіктерін есептеуде;
• атыс жаттығулары мен оқ атулар барысында қарумен сенімді іс-қимылдарда;
• ЖҰМ-ды пайдалануда, техникалық қызмет көрсетуде, жөндеуді жүргізуде.

Запастағы лейтенант