«Ветеринарлық және биологиялық қауіпсіздік» жоғары мектебі 6В09100/7М09100/8D09100-«Ветеринария» мамандығы бойыншабакалавр, магистрант және докторанттарды дайындайды. Барлық оқу бағдарламалары аккредитациядан өтті.
Жоғары мектеп ұжымы оқу процесіне енгізілген оқу-әдістемелік құралдарды әзірледі.
Жыл сайын жоғарыда аталған мамандықтардың студенттері Республикалық пәндік олимпиадада жүлделі орындарға ие болады.
Ғылыми қызметті 7 ғылым докторлары, 16 ғылым кандидаты, 6 PhD докторы және 11 магистрлер жүзеге асырады. Бағдарламалық мақсатты қаржыландыру және Қазақстан Республикасы Білім және Ғылым министрлігінің Мемлекеттік қорының ғылыми жобалары іске асырылды, өнертабыстарға патенттер алынды және өндіріске енгізілді. 400-ден астам ғылыми мақалалар мен 10 монография жарық көрді. «ЖәрдемВет» ветеринарлық оқу ғылыми өндірістік орталық және «BIOTEH» ғылыми өндірістік инновациялық орталығы құрылған, бұнда ғылыми-зерттеу жұмыстары мен шаруашылықтық келісім шарттар жүргізіледі.