Құрметті әріптестер!
Сізді «Жәңгір хан атындағы Батыс Қазақстан аграрлық-техникалық университеті» КеАҚ Тұрақты даму орталығы Халықаралық климат күніне орай өткізілетін «Климат және тұрақты даму: болашақтың қиындықтары» атты I Халықаралық ғылыми-тәжірибелік конференцияға қатысуға шақырады.
«Климат және тұрақты даму: болашақтың қиындықтары» атты I Халықаралық ғылыми-тәжірибелік конференциясының мақсаты – экология және климаттық қауіпсіздік саласындағы студенттер мен магистранттардың ғылыми-зерттеу қызметін ынталандыру үшін жыл сайынғы жаһандық алаң қалыптастыру.
Іс-шара жас ғалымдардың күш-жігерін біріктіруге, табиғи жүйелердің климаттық өзгерістерге бейімделуіндегі инновациялық шешімдерді табуға, «жасыл» экономика технологияларын енгізуге және жаһандық қиындықтар жағдайындағы қоғамның әлеуметтік жауапкершілігін талдауға бағытталған.
Конференция жұмысы пәнаралық тәжірибе алмасуға және тұрақты даму стратегияларын насихаттауға бағдарланған болып, қатысушыларға өз зерттеулерін тегін апробациялау және ғылыми нәтіжелерді конференция жинағында жариялау мүмкіндігін береді.
Өтінімдер мен материалдарды қабылдау: 2026 жылдың 25 сәуіріне дейін.
Өткізілу күні: 2026 жылдың 14-15 мамыры.
Қатысу форматы: аралас формат (офлайн және онлайн).
Жұмыс тілдері: қазақ, орыс, ағылшын.
КОНФЕРЕНЦИЯ ҚАТЫСУШЫЛАРЫ:
- Отандық және шетелдік ғалымдар, зерттеушілер және ҒЗИ қызметкерлері;
- Докторанттар, магистранттар және барлық даярлық бағыттарындағы студенттер;
- Орта буыннан жоғары буынға дейінгі оқу орындарының педагогикалық құрамы;
- Мемлекеттік билік органдарының өкілдері, қоғам қайраткерлері және салалық сарапшылар.
ӨТКІЗУ ОРНЫ:
Қазақстан Республикасы, Орал қ., Жәңгір хан көшесі, 51 («Жәңгір хан атындағы Батыс Қазақстан аграрлы-техникалық университеті» КеАҚ).
Конференция аясында офлайн және онлайн форматта пленарлық және секциялық отырыстар (конференцияға қосылу сілтемесі тіркелген қатысушыларға қосымша жіберіледі) өткізу жоспарланған.
Конференцияға қатысу үшін мақаланы және өтінімді 2026 жылғы 25 сәуірге дейін Sharafieva_Zhauhazin@mail.ru электрондық поштаға (хат тақырыбында секцияның атауын көрсету керек) жіберу қажет.
КОНФЕРЕНЦИЯ СЕКЦИЯЛАРЫ
Бірінші күні (14 мамыр) сарапшылардың қатысуымен пленарлық отырыс өткізу жоспарланған. Екінші күні (15 мамыр) жұмыс мынадай бағыттар бойынша ұйымдастырылады:
1-секция. КЛИМАТТЫҚ ӨЗГЕРІСТЕРДІҢ ЭКОЛОГИЯЛЫҚ АСПЕКТІЛЕРІ.
2-секция. ТҰРАҚТЫ ДАМУДЫҢ ЭКОНОМИКАСЫ ЖӘНЕ «ТАЗА» ТЕХНОЛОГИЯЛАР.
3-секция. ӘЛЕУМЕТТІК ЖАУАПКЕРШІЛІК ЖӘНЕ ҚОҒАМНЫҢ ЖАҢА КЛИМАТТЫҚ ЖАҒДАЙЛАРҒА БЕЙІМДЕЛУІ.
МАТЕРИАЛДАРДЫ ҰСЫНУ ТӘРТІБІ
Жариялауға бұрын шығарылмаған және конференцияның тақырыптық бағыттарына сәйкес келетін түпнұсқа ғылыми мақалалар қабылданады. Мәтіннің бірегейлік деңгейінің ең төменгі шегі – 70% (дұрыс рәсімделген пайдаланылған әдебиеттер тізімі мен дәйексөздерді шегере отырып).
Қолжазбаға PDF форматындағы бастапқы мәтін тексерісі туралы толық есеп тіркелуі тиіс. Ұйымдастыру комитеті ресми қызметтердің (Антиплагиат, StrikePlagiarism және т.б.) есептерін қабылдайды.
Ұйымдастыру комитеті техникалық талаптарға, конференция тақырыбына, бірегейлік деңгейіне немесе академиялық адалдық қағидаттарына сәйкес келмейтін материалдарды қабылдаудан бас тарту құқығын өзіне қалдырады. Мақалалар авторлық редакцияда жарияланатындықтан, авторлар мәтінді мұқият оқып-тексеруге және редакциялауға міндетті. Нақты деректердің дұрыстығына, дәйексөздердің дәлдігіне, есімдердің жазылуына және ғылыми этика нормаларының сақталуына толық жауапкершілік авторларға жүктеледі.
Конференция қорытындысы бойынша жинаққа енгізілу үшін материалдар жіберу арқылы автор жұмысты жариялауға және Қазақстан Республикасының заңнамасына сәйкес дербес деректерді өңдеуге автоматты түрде келісім береді.
Іс-шараға қатысу және жинақта жариялау тегін.
Бір автор (жеке немесе бірлескен авторлықта) бір мақаладан артық ұсына алмайды.
Белгіленген мерзімнен кейін немесе рәсімдеу талаптарын бұза отырып, жіберілген материалдар қаралмайды, рецензияланбайды және қайтарылмайды.
Конференцияға қатысу үшін 2026 жылғы 25 сәуірге дейін ұйымдастыру комитетінің Sharafieva_Zhauhazin@mail.ru поштасына мынадай құжаттарды жіберу қажет:
- Мақала мәтіні (талаптарға сәйкес рәсімделген).
- Қатысу өтінімі (авторлар туралы мәліметтер).
- Түпнұсқалық туралы есеп (Антиплагиат жүйесі бойынша кемінде 70%).
МАҚАЛАНЫ РӘСІМДЕУ ТАЛАПТАРЫ
Мақала көлемі: 8 беттен кем емес; шрифт: Times New Roman – 11 пк; шеттер – барлық жақтан 2,5 см; абзац – 1,0; жолдар арасындағы аралық – 1.
Мәтін құрылымы: ӘОЖ және ҒТХАА индекстері,
– авторлар туралы мәліметтер (тегі, аты-жөнінің бас әріптері, ғылыми дәрежесі, атағы; ЖАҢА ЖОЛДАН – жұмыс орындалған мекеменің толық атауы, қаласы, елі); барлық авторлардың мекенжайлары мен он алты таңбалы ORCID ID (негізгі және жауапты авторды көрсете отырып);
– жарияланатын материалдың тақырыбы (бас әріппен, қалың, 11 пк, Times New Roman, орталықтандырылған абзац); оның ішінде ағылшын тілінде;
– аннотация (150–300 сөз) – негізгі мәтін тілінде және ағылшын тілінде; «Пайдаланылған әдебиеттер» бөлімінен кейін орыс немесе қазақ тілінде қосымша түйін орналастырылады;
– кілттік сөздер (курсив) – 5-тен 10-ға дейін;
– негізгі мәтін (кіріспе, материалдар мен әдістер, нәтижелер, талқылау, қорытынды, қаржыландыру туралы мәліметтер (бар болса), пайдаланылған әдебиеттер тізімі);
– пайдаланылған әдебиеттер тізімі (МЕСТ 7.1-2003 стандартына сәйкес; кемінде 20 атау; мәтінде аталу тәртібімен орналастырылады. Қазақ тіліндегі әдебиеттер тізімі латын графикасы негізіндегі қазақ тілі алфавиті бойынша, орыс тіліндегісі – BGN/PCGN стандарты бойынша рәсімделеді).
Суреттер мен кестелер: мәтінге енгізілуі, нөмірленуі және атауы болуы тиіс. Ең көп саны – 5 сурет және 5 кесте.
АВТОРЛАР ТУРАЛЫ МӘЛІМЕТТЕР (ӨТІНІМ)
- Автордың толық аты-жөні.
- Мәртебесі (ғалым/студент/магистрант/докторант).
- Оқу/жұмыс орны, мекенжайы, елі.
- Электрондық мекенжай (e-mail) және байланыс телефоны.
- Ғылыми жетекші туралы мәліметтер (бар болса) (аты-жөні, дәрежесі).
- Секцияның атауы.
- Мақаланың атауы.
БАЙЛАНЫС АҚПАРАТЫ
Конференция үйлестірушісі: «Жәңгір хан атындағы Батыс Қазақстан аграрлы-техникалық университеті» КеАҚ, Тұрақты даму орталығы.
Телефон: +7 701 243 2390
Іс-шараның ресми хэштегі әлеуметтік желілерде: #CSD2026.