Индустриалды-технологиялық институтында 17 наурыз күні орыстың әйгілі химик-ғалымы М.В. Ломоносовтың 310 жылдығына арналған «Мен – ХИМИК» атты зияткерлік ойын өткізілді.
Зияткерлік ойынды «Мұнай, газ және химиялық инженерия» жоғары мектебінің оқытушылары С.С.Сатаева, А.Б.Ниязбекова, Д.С.Назарова, Т.А.Шакиров, У.С.Каракулова, А.Бейімбетова, А.Каиргазиева ұйымдастырды. Шараға Орал қаласының №10, №20, №41, №50 жалпы орта білім беретін мектептерінің 9-11-сынып оқушылары қатысты. Шара басталмас бұрын жүргізушілер химик-ғалым М.В.Ломоносов туралы қысқаша мәлімет берді. Сайыс 3 кезеңнен: «Викторина», «Капитандар конкурсы», «Химиялық дода» тұрады. Сайысқа қатысушыларға ХТ-21 тобының білім алушылары демонстрациялық тәжірибелерді ұсынды.
Шара соңында жоғары мектеп жетекшісі Б.Е.Хамзина жеңімпаздарды алғыс хат, грамота мен дипломмен марапаттады. Оқушыларға жоғары мектеп зертханаларына экскурсия жүргізілді.
