Политехникалық институтта Қамқоршылық кеңесінің кезекті отырысы өткізіліп, оқу орнының инфрақұрылымын дамыту, материалдық-техникалық базасын нығайту және мұражай экспозициясын толықтыруға қатысты маңызды мәселелер қаралды.
Кеңес отырысында алаңды абаттандыру жұмыстарын жалғастыру, сыйымдылықты орнату, суару жүйесін жетілдіру және ауыл шаруашылығы бағытындағы экспонаттарды орналастыру мәселелері талқыланды. Бірінші мәселе бойынша алаңды абаттандыру жұмыстарын жалғастыру жөнінде Александр Ажгалиев баяндама жасады. Жұмыстардың қазіргі жағдайы сараланып, алдағы жоспарлар нақтыланды. Кеңес мүшелері оқу орны аумағын көркейту студенттер мен қызметкерлерге қолайлы жағдай жасауға, сондай-ақ университеттің беделін арттыруға ықпал ететінін атап өтті. Қаулы бойынша абаттандыру жұмыстары бекітілген жоспар негізінде жалғасатын болды.
Келесі мәселе бойынша сыйымдылықты орнату қажеттілігі қарастырылды. Бұл нысанның тұрақты әрі тиімді жұмыс істеуін қамтамасыз ету мақсатында ұсынылды. Василий Железнов техникалық және ұйымдастырушылық мәселелер бойынша түсіндірме берді. Кеңес шешімімен сыйымдылықты орнату мақұлданып, іске асыру мерзімдерін нақтылау тапсырылды.
Үшінші мәселе аясында аумақты көгалдандыру және жасыл желекті сақтау үшін суару жүйесін жаңарту ұсынылды. Павел Толоконников жаңа пластикалық құбырлар арқылы суару желісін тарту, телімдер мен жасыл аймақтарды тиімді суару үшін қосымша тармақтар орнату жөнінде ұсыныс білдірді. Сонымен қатар қолда бар жүйелерге барлау (түгендеу) жүргізіп, оларды жөндеу, жетілдіру және толықтыру қажеттілігі айтылды.
Отырыста мұражай экспозициясын ауыл шаруашылығы бағыты бойынша дамыту мәселесі ерекше назарға алынды. Андрей Борса экспонат ретінде ауыл шаруашылығы машиналарын және техникалық құрал-жабдықтарды пайдалануды ұсынды. Бұл бастаманың негізгі мақсаты – оқу орнының ауыл шаруашылығы институты ретіндегі мәртебесін айқындау және оның өндірістік-техникалық әлеуетін көрсету. Үміт Жұмағалиева тарихи маңызы бар тракторлар мен техникаларды, сондай-ақ басқа да ауыл шаруашылығы машиналарын экспозицияға енгізуді ұсынды. Сонымен бірге заманауи техникалық құралдарды орналастыру арқылы сала дамуының кезеңдерін көрсету көзделуде. Қолда бар техникаларды барлау, қалпына келтіру, жетіспейтін бөлшектермен толықтыру және кезең-кезеңімен экспозицияға енгізу қажеттілігі айтылды. Бұл шаралар студенттердің кәсіби қызығушылығын арттырып, оқу орнының тарихи және өндірістік мұрасын сақтауға мүмкіндік береді. Жауапты тұлға ретінде А.Борса мен В.Железнов бекітілді.
Қабылданған шешімдер университеттің инфрақұрылымын жетілдіруге, материалдық-техникалық базасын нығайтуға және мәдени-танымдық әлеуетін арттыруға бағытталған. Қамқоршылық кеңесінің жүйелі жұмысы оқу орнының тұрақты дамуына және білім беру сапасының жоғарылауына негіз болады.
