«Мұнай, газ және химиялық инженерия» жоғары мектебінде «Нефтяник» студенттік ғылыми үйірмесі жұмыс жасауда. 26 қараша күні ғылыми үйірменің алғашқы отырысы өтті.
Басты мақсат – білім алушыларды мұнай-газ және химия-технологиялық бағыттағы ғылыми-зерттеу жұмысына баулу. Ғылыми үйірмелердің жәрмеңкесінде үйірмеге әртүрлі мамандықтар бойынша жиырмаға жуық білім алушылар жазылды.
Үйірме отырысында алдымен сөз алған жоғары мектептің аға оқытушысы Алтынай Купешова білім алушылардың ғылыми-шығармашылық, зерттеушілік ізденісін қалыптастыру оларды тәрбиелеудің құрамдас бөлігінің бірі болып табылатынын, негізгі міндет – өз бетінше кәсіби, ғылыми және техникалық мәселелерді шешуге қабілетті білікті мамандар дайындау екенін айтты. Одан әрі жиында аға оқытушы Нұрлан Нұрмаш «Мұнай және газ өнеркәсібіндегі модельдеу мүмкіндіктері» тақырыбында баяндама жасады. Сондай-ақ ГРПИ-12 және ГРПИ-13 топ білім алушыларының дайындаған баяндамалары тыңдалды.
