ЖАЛПЫ ДАМУ ЖӘНЕ КӘСІБИ БІЛІМ БЕРУ ПЕДАГОГТАРЫН ДАЯРЛАУ ОРТАЛЫҒЫ

Білім алушылардың бойына рухани құндылықтарды баулуға бағытталған университеттің екі құрылымдық бөлімі «Рухани жаңғыру» орталығы мен Экономика, ақпараттық технологиялар және кәсіби білім беру институтындағы «Көркем-технологиялық және кәсіби білім беру» жоғары мектебінің бірігуі, олардың зияттық және тәжірибелік әлеуетін тұйықтап, саяси-әлеуметтік, мәдени, соның ішінде білім беру саласы бойынша да ұлттық тұғырымыздың төл тарихының астарын ғылыми, егжей-тегжейлі зерделеуге, дүнежүзілік тұрғыларды ұстана отырып, ұлттық болмысымыздың философиясын дәлелді түсіндіруге, оларды үздіксіз насихаттап, білім алушылардың санасындағы патриоттық сезімдерін баулып, толеранттық сипаттағы адал және әділетті, ұлттық зият тұлғаның қалыптасуы мен дамуына қуатты орталық болу көзделіп отыр.

«Рухани жаңғыру» орталығының қалыптасуы мен дамуы – біздің оқу орнының құрылуынан бері орын алып келе жатыр. 1963 жылы Батыс Қазақстан ауыл шаруашылық институты мен қоғамдық ғылымдар кафедрасы ашылғаннан кейін «Философия және ғылыми коммунизм» кафедрасы құрылды. 1968 жылы «Философия және ғылыми коммунизм» кафедрасы қоғамдық ғылымдар кафедрасынан бөлініп шықты. 2018 жылы «Қазақстан тарихы және әлеуметтік-гуманитарлық пәндер» кафедрасы – «Рухани жаңғыру» орталығы аталды. Қазіргі кезге дейін кафедраның меңгерушілік лауазымында ф.ғ.к., доцент Шокабасов Т. Д., ф.ғ.к., доцент Ниязов Е.Ш, ф.ғ.д., профессор Рыскалиев Т.Х., ф.ғ.к., доцент Есенгалиева В.А., аға оқытушы, магитр Сералы А.М. қызмет етті. Осы «Рухани жаңғыру» орталығында профессорлық-оқытушылық құрамында: профессор Рыскалиев Т.Х., доцент Есенгалиева В.А., аға оқытушы, т.ғ.к. Хайдаров Е.Е., аға оқытушы, PhD докторы Джангужиев М.С., аға оқытушы, магистр Сералы А.М., аға оқытушы, магистр Муталова Д.С., аға оқытушы, магистр Саркулова Г.С., аға оқытушы Балжанова Г.Ж., аға оқытушы Жакупова А.Ж, оқытушы, магистр Тельманов А.М., оқытушы, магистр Сулейменов М.А., оқытушы, магистр Оспанов М. М. еңбек етіп келеді.

2008 жылдан бері университеттің «Кәсіби және техникалық білім беру» кафедрасының профессорлық-оқытушылық құрамы «Кәсіптік оқыту», «Бастапқы әскери дайындық» білім беру бағдарламалары бойынша білім беру қызметін атқарып келді. 2020 жылдың маусым айында университет ректорының бұйрығымен педагог мамандарды даярлау міндетін Экономика, ақпараттық технологиялар және кәсіби білім беру институтына берілді. Осы міндетті орындауға институттың құрылымында «Көркем-технологиялық және кәсіби білім беру» жоғары мектебі қалыптасты. Оның  жетекшісі болып Байдалиев К.А. тағайындалды. Бұл құрылымдық бөлімге университеттің білім беру бағдарламаларының «Дене шынықтыру» оқу пәнін жүргізетін «Сұңқар» спорт клубының 12 педагог-жаттықтырушысы қосылды. Соның нәтижесінде құрылымдық бөлімде оқытушылық құрам қалыптасып, п.ғ.к., доцент Байдалиев К.А., п.ғ.к., доцент Коломоец Н.К., аға оқытушы, а/ш.ғ.к., подполковник Амангалиев Т.Г., б.ғ.к., доцент Мурзашев Т.К., аға оқытушы, PhD докторы Бахтиярова С.Ж., аға оқытушылар: капитан Жаксылыков З.В., Джакупова А.Г., Брманова Н.Н., Ерниязов О.Н.; Рыскалиев С.Н., оқытушылар: педагогика ғылымдарының магистрлері Ғабитов А.Х., Елеусінова Р.Н., Швайковская Е.И.; жаттықтырушылар: Куанов Р., Бахтияров А.Т., Абишев К.Д., Батыров Б.С., Сатывалдиев Р.Р., Амиралиев А.М., Уразымбетов Б.Е. және т.б. қызмет етуде.

2024-2025 оқу жылы жоғарыда аталған институттың құрылымындағы  «Көркем-технологиялық және кәсіби білім беру» жоғары мектебі «Рухани жаңғыру» орталығымен қосылып – «Жалпы даму және кәсіби білім беру педагогтарын даярлау» орталығы құрылды.

Бүгінгі таңда орталықта 1 ф.ғ.д., профессор, 8 ғылым кандидаты (доцент), 1 PhD докторы, 21 аға оқытушы, 11 оқытушы еңбек етеді. Қосымша қызметкер ретінде басқа білім беру мекемелерінен 5 педагог аға оқытушы, оқытушы лауазымында жұмысқа қабылданды. Жыл сайын профессорлық-оқытушылық құрамы оқытушылармен толықтырылуда. Биылғы оқу жылы Турдалиев Р.М., Куспанов Н.С., Ержанова Т.К., Сабыргалиева М.Х., Насыпкалиев К.М., Сулейменов М.А., Нургалиев К., Тлебалиев А. оқытушылық лауазымымен еңбек етуде. 2024 жылы аға оқытушылар Турдалиев Р.М. пен Куспанов Н.С. «Дене шынықтыру және спорт» білім беру бағдарламасы бойынша докторантураны бітірді.

  Орталықтың зияттық потенциалы Батыс Қазақстан облысының жалпы орта білім беру мекемелеріне педагогтарды даярлауға 6В01401 – «Бастапқы әскери дайындық және дене шынықтыру», 6В01405 – «Дене шынықтыру және спорт» 6В01404 – «Визуалды өнер, көркем еңбек және графика» білім беру бағдарламалары бойынша білім беру қызметін көрсетіп келеді. Алғашқы екі білім беру бағдарламасы халықаралық және мамандандырылған акредиттеуден өткен.

Облыстық және қалалық орта және спорттық мектептерге пәндік және жаттықтырушылық қызмет атқаруға бағытталған педагогтарды даярлауға орталықтың материалдық ресурстары замануи спорттық ғимаратпен – бір мезгілде 12 спорт түрімен шұғылдануға мүмкіндік беретін «Жәңгір хан» спорттық кешені, стадион, жүгіру жолақтары, гимнастика, атлетика, волейбол, баскетбол, күрес, фитнес, тоғызқұмалақ, сауықтыру, күштік жаттығуға арналған шағын замануи залдармен қамтамасыз етілген. «Бастапқы әскери дайындық» білім беру бағдарламасының білім алушылары бейіндік пәндерін әскери кафедраның жабдықталған оқу бөлмелерінде, тактикалық полигонында сабақтар өтеді. 

2023 оқу жылы БҚО дизайнерлер қауымдастығымен әлеуметтік серіктестікте оқу-өндірістік шеберханасы ашылып, «Визуалды өнер, көркем еңбек және графика» білім беру бағдарламасының студенттеріне білім берумен бірге, университет қызметкерлері мен қала тұрғындарына тігін саласында қызмет көрсетуде.   

2024 жылы орталықтың жанында білім алушылар мен қызметкерлерге, Зашаған ауданындағы тұрғындарға әлеуметтік-психологиялық қолдау жасауға жеке психологиялық кеңес, тренингтер кабинеттері жұмыс істейді.

Әлеуметтік-гуманитарлық ғылымдарының қоғамдағы мәселелерді шешуге үлес қосып жатқан профессорлық-оқытушылық құрамы өздерінің бейіндік ғылым салалары бойынша зерттеу нәтижелерін халықаралық, республикалық ғылыми басылым жұрналдарына жариялап, оқу және оқу-әдістемелік құралдар шығаруда. Жас ғалымдар т.ғ.к. Хайдаров Е.Е., PhD докторы Джангужиев М.С. республикалық және облыстық жобалар аясында қазақ ұлтының тарихи мұраларын зерделеп, қоғамдық құбылыстағы зерттелмеген тың мәселердің көзін ашуға еңбек етуде. Тәжірибелі ғалымдар білім алушыларға ғылыми әдіснаманың әдіс-тәсілдеріне үйретуге, үздіксіз ғылыми-зерттеу жұмыстарына да тартып отыр. Олар зерттеген мәселелерінің нәтижелерін университеттің, басқа жоғары оқу орындарының студенттеріне арналған ғылыми-тәжірибелік конференцияларына баяндамалар дайындатып қатыстыруда.      

Білім алушылардың кәсіби білімі мен құзыреттерін қалыптастырумен бірге олардың жеке танымдық дағдылары мен тұлғалық қасиеттерін, өзін-өзі жүзеге асыру сенімділігін, мансабын өсуіне ықпал ететін уәждер мен ұстанымдарының артуына, белсенді өмір сүрудің стратегияларына үйретуге орталық жанында «Рух», «Дін», «Фатима», «Саналы ұрпақ», «Жас саясаткер», «Жас зерттеуші», «Мерген», «Визуалды өнер» клубтары мен үйірмелері бар.

Педагогтарды даярлау орталығында білім алушылар мен оқытушылардың кәсіби құзыреттіліктерін дамытуға бағытталған ғылыми-әдістемелік семинарлар, мастер класстар, проблемалық дәріс сессиялары әлеуметтік серіктестіктегі қалалық орта (№10, 20, 30, 47, 38, 50) және спорттық мектептердің (№2, спорттық мектеп-интернат, жекпе-жек спорт мектебі, мүмкіндігі шектеулі балалар мен үлкендердің спорттық клубы) педагогикалық ұжымдарымен біріге өткізіп, тәжірибе алмасып келеміз.

 Орталықтың «Дене шынықтыру мен спорт», «Бастапқы әскери дайындық және дене шынықтыру» білім беру бағдарламалары бойынша білім алушылар арасында университеттің, облыстың, Қазақстанның мақтанышы – жоғары спорттық жетістіктері бар жас спортшылар да білім алуда. Оның ішінде 2-курс студенті, Әлем чемпионы, 2024 жылғы жазғы Олимпиадаға қатысқан Бровкова М.С., 3-курс студенттері Тлеккабылов Ж.Ә., Абылова А.А., Талапкали М.Х. және т.б. Қазіргі кезде аталған білім беру бағдарламалары бойынша білім алып жатқан студенттердің ішінде 7 халықаралық чемпион, 34 спортшы Қазақстан чемпионы, 12 спорт шебері, 59 спорт шеберіне үміткер білім алуда.