Басқарма төрағасы-ректордың  бірінші орынбасары – стратегиялық даму және қаржы проректоры. Ветеринария ғылымдарының докторы, профессор. Әр жылдары Жәңгір хан атындағы БҚАТУ-да кафедра меңгерушісі, факультет деканы, оқу-әдістемелік жұмысы жөніндегі проректор, оқу ісі жөніндегі проректор, бірінші проректор қызметтерін атқарды. Қазақ ұлттық жаратылыстану академиясының корреспондент мүшесі, әр жылдары Қазақ ұлттық аграрлық университеті жанындағы республикалық оқу-әдістемелік кеңестің мүшесі болды, ветеринария мамандықтарының мемлекеттік жалпыға міндетті білім беру стандарттарының авторы. Жұқпалы ауруларды анықтау, емдеу және алдын алу мәселелері бойынша 160-тан астам ғылыми мақаланың, оқу құралдарының, ұсыныстар мен әдістемелік нұсқаулардың авторы. Ветеринария ғылымдарының кандидаты ғылыми дәрежесін алу үшін диссертацияларын сәтті қорғаған 4 аспирантқа ғылыми жетекшілік етті. Президенттің алғыс хатымен, ҚР Білім және ғылым министрлігінің Құрмет грамотасымен, «Қазақстан Республикасының Білім беру ісінің құрметті қызметкері», «Қазақстан Республикасы ғылымын дамытуға сіңірген еңбегі үшін», «Еңбек даңқы», «Ауыл шаруашылығының үздігі» төсбелгілерімен, «Ерен еңбегі үшін» медалімен, А.Байтұрсынов атындағы алтын медальмен және көптеген мерейтойлық медальдармен марапатталған.

Жеке тұлғаларды қабылдау күндері:

Әр айдың бірінші және екінші аптасының сәрсенбі күні

15:00 – 18:00

Әкімшілік ғимарат

Басқарма төрағасы-ректордың орынбасары – ғылым жөніндегі проректор. Ауыл шаруашылығы ғылымдарының кандидаты, ҚР АШМ жанындағы ғылыми-техникалық кеңестің мал шаруашылығы секциясының мүшесі.

Әр жылдары ҚазҰАУ мал шаруашылығы және асыл тұқымды істер кафедрасының кіші ғылыми қызметкері; мал шаруашылығы өнімдерін өндіру және мал азығын талдау технологиясы зертханасының меңгерушісі (Алматы қ.); Ұлттық зияткерлік меншік институтында (патенттік ведомство) сарапшы, басқарма басшысы, (Астана қ.); ҚР АШМ «ҚазАгроИнновация» ғылыми-техникалық қызметті талдау менеджері (Астана қ.); ҚР АШМ «Республикалық мал шаруашылығын асылдандыру орталығы «Асыл түлік» АҚ-ның басқарма төрағасы; «Мал шаруашылығы және ветеринарияның ғылыми-инновациялық орталығы» ЖШС-ның бас директорының орынбасары; «Мал шаруашылығы және ветеринарияның ғылыми-инновациялық орталығы» ЖШС-ның бас директорының м.а. (Астана қ.) қызметтерін атқарды.

100-ден астам ғылыми жұмыстың, соның ішінде Web of Science, Scopus дерекқорларының, сондай-ақ 25-тен астам патенттердің авторы. Ғылыми қызығушылығы – сүтті және етті мал шаруашылығы, жылқы шаруашылығы, асылдандыру, селекция, жануарлардың генетикасы және биотехнологиясы. ҚР АШМ БМҚ BR06249373 «Мал шаруашылығында селекция әдістерінің тиімділігін арттыру» ғылыми жобасының тең басшысы (2018-2020); жобаларда орындаушы: ҚР АШМ БМҚ BR06349618 «Қазақстан Республикасының әртүрлі өңірлеріндегі 100 сиырдан бастап сүтті мал шаруашылығындағы үлгілік фермалар базасында мал шаруашылығы өнімдерін өндірудің технологиялық процестерін автоматтандыру жөніндегі технологияларды трансферттеу және бейімдеу» (2018-2020), ҚР ғылым және жоғары білім министрлігінің ГҚ AP0805296 «Әулиекөл ірі қара малының ет өнімділігін тұқымға тән QTL-таңбалау және толық геномдық SNP негізінде қазақтың ақбас тұқымын чиптеу» (2020-2022), ҚР АШМ БМҚ BR10764999 «Селекциялық процесті тиімді басқару және жылқы шаруашылығында генофондты сақтау технологияларын әзірлеу» (2021-2023), ҚР АШМ БМҚ BR10764981 «Етті мал шаруашылығында генетикалық ресурстарды сақтау мен жетілдірудің селекциялық процесін тиімді басқару технологияларын әзірлеу» (2021-2023), ҚР АШМ БМҚ BR10765039 «Құс шаруашылығындағы селекциялық процесті тиімді басқару технологияларын әзірлеу» (2021-2023), ҚР ғылым және жоғары білім министрлігінің ГҚ AP14870614 геномы кең қамтылған SNP-генотиптеу негізінде жабе типті қазақ жылқысының өнімділік қасиеттерін генетикалық таңбалау (2022-2024), ҚР ғылым және жоғары білім министрлігінің ГҚ AP19680057 «Қазақтың ақбас тұқымды ірі қара малының шаруашылық-пайдалы белгілерін зерттеу және генофондты қайта секвенирлеу және транскриптомдық талдау әдісімен сипаттау» (2023-2025).

«Қазақстан Республикасының Тәуелсіздігіне 25 жыл» медалімен, «Ауыл шаруашылығы үздігі» төсбелгісімен, Қазақстан Республикасы Ауыл шаруашылығы министрлігінің Құрмет грамотасымен, Қазақстан Республикасы Ауыл шаруашылығы мамандарының I, II және III дәрежелі «Еңбек Даңқы» медальдарымен марапатталған.

Жеке тұлғаларды қабылдау күндері:

Әр айдың бірінші және екінші аптасының сәрсенбі күні

15:00 – 17:00

Әкімшілік ғимарат

Басқарма төрағасы-ректордың орынбасары – тәрбие және әлеуметтік жұмыстар жөніндегі проректор. Ауыл шаруашылығы ғылымдарының кандидаты, доцент, қауымдастырылған профессор, ҚХА-ның Батыс Қазақстан облысы бойынша ғылыми сарапшы тобының мүшесі. Әр жылдары «Маркетинг және менеджмент» кафедрасының меңгерушісі, Экономика факультеті деканының орынбасары болып жұмыс жасаған. 60-тан астам ғылыми мақалалары мен оқу-әдістемелік басылымдары жарық көрген. ҚР Білім және ғылым министрлігінің, Ұлттық білім және ғылым орталығының Құрмет грамоталарымен, ҚР БҒМ-ның «Білім беру ісінің құрметті қызметкері», «Қазақстан Республикасының ғылымын дамытуға сіңірген еңбегі үшін», ІІ дәрежелі «Еңбек даңқы» төсбелгілерімен, «Қазақ хандығына – 50 жыл» мерекелік медалімен марапатталған. 

Жеке тұлғаларды қабылдау күндері:

Әр айдың бірінші және екінші аптасының жұма күні

15:00 – 18:00

Әкімшілік ғимарат

Басқарма төрағасы-ректордың орынбасары – оқу жұмыстары жөніндегі проректор. Ауыл шаруашылығы ғылымдарының докторы, доцент. Әр жылдары Жәңгір хан атындағы Батыс Қазақстан аграрлық-техникалық университетінде кафедра меңгерушісі, басқарма басшысы, департамент директоры, оқу және тәрбие жұмысы жөніндегі проректор, оқу және оқу-әдістемелік жұмыс жөніндегі проректор қызметтерін атқарды. 10-нан астам оқу басылымының, 140-тан астам ғылыми мақаланың, екі монографияның авторы. Мал шаруашылығында селекциялық жетістіктерге 6 патенті бар. Сингапур, Гонконг, Испания ЖОО-нда, Канаданың зерттеу ұйымдары мен өндірістерінде тағылымдамадан өткен. ҚР БҒМ және ҚР АШМ Құрмет грамоталарымен, ҚР БҒМ «Қазақстан Республикасының Білім беру ісінің құрметті қызметкері», ҚР БҒМ «Қазақстан Республикасының ғылымын дамытуға сіңірген еңбегі үшін», ҚР АШМ «Ауыл шаруашылығы саласының үздігі» төсбелгілерімен марапатталған. Жас және талантты ғалымдарға арналған мемлекеттік ғылыми стипендияның лауреаты.

Жеке тұлғаларды қабылдау күндері:

Әр айдың бірінші және екінші аптасының бейсенбі күні

15:00 – 18:00

Әкімшілік ғимарат