Қазақстан Республикасы Білім және ғылым министрлігі шетелдіктерді, Қазақстан Республикасының азаматтары болып табылмайтын ұлты қазақ және Қазақстан Республикасында тұрақты тұратын азаматтығы жоқ адамдарды біздің елдің ЖОО-ның дайындық бөлімдерінде және Қазақстан Республикасының азаматтарын тілдік курстарда білім алуға шақырады.
Грант саны:
- Қазақстан Республикасының азаматы болып табылмайтын қазақ ұлты үшін – 1300
- тілдік курстар үшін – 200
- шетел азаматтары үшін – 50
- Түркия Республикасының және басқа түркітілдес республикалардың азаматтары үшін – 200
Коронавирус пандемияcына байланысты дайындық бөлімдеріне түсу үшін құжаттар онлайн режимінде ҚР БҒМ Болон процесі және академиялық ұтқырлық орталығының веб-сайты арқылы қабылданады. Үміткерлер құжаттарды онлайн түрде ENIC-KAZAKHSTAN сайтында 2021 жылдың 20 тамызынан 5 қыркүйегіне дейін тапсыра алады.
Қажетті құжаттар:
- еркін түрде жазылған, гранттың санаты көрсетілген қабылдау туралы өтініш;
- жеке басын куәландыратын құжаттың көшірмесі;
- жалпы орта (орта жалпы), бастапқы кәсіптік (техникалық және кәсіптік), орта кәсіптік (ортадан кейінгі) білім туралы құжаттың түпнұсқасы мен оған қосымшаның көшірмесі (қазақ немесе орыс немесе ағылшын тілдерінде);
- 086-У формасындағы электрондық форматтағы медициналық анықтама (бар болған жағдайда).
- Қажетті ақпаратты ENIC-KAZAKHSTAN сайтында табуға болады.
Барлық сұрақтар бойынша төмендегі телефон және электронды пошта арқылы хабарласуға болады:
Тел.: +7 (7172) 28 75 26
E-mail: admission@n-k.kz