Гендерлік теңдік

ТДМ 5. Гендерлік теңдік 12 ұлттық көрсеткіштен тұрады (https://stat.gov.kz/ru/sustainable-development-goals/goal/5/). Мысалы, ұлттық Парламенттегі (Мәжілістегі) әйелдердің үлесі 27,4% – дан (2018-2021 жылдар) 18,4% – ға (2023 жыл), ал ауыл шаруашылығы мақсатындағы жерлер берілген әйелдердің үлесі 2,21% – дан (2018 жыл) 1,63% – ға (2023 жыл) дейін төмендеді. Индикатор мәні 5.b.1 “6 жастан асқан ұялы телефоны бар адамдардың үлесі, пайызы” 87,9% – дан 92,8% – ға дейін өсті. Бұл көрсеткіш бойынша гендерлік айырмашылық ең аз. 2023 жылы ерлер арасында бұл көрсеткіш 93,4%, ал әйелдер арасында – 92,2% құрады. 2023 жылы Президенттің Жарлығымен адам құқықтары мен заңның үстемдігі жөніндегі кезекті іс-қимыл жоспары қабылданды, онда гендерлік теңдікті ілгерілету, әйелдерге қатысты кемсітушілікті жою жөніндегі шаралар көзделген. Іс-қимыл жоспары шеңберінде еліміздің 19 өңірінде азаматтық қоғам, сарапшылар және бизнес-қоғамдастық қатарынан гендерлік теңдік мәселелері бойынша әкімнің штаттан тыс кеңесшілері лауазымдары құрылды.

Жәңгір хан Университет әділ және қолдаушы білім беру ортасын ілгерлетудегі негізгі принцип ретінде теңдіктің маңыздылығын мойындайды.  Біз нәсіліне, этникалық тегіне, жынысына, жасына, жыныстық бағдарына, мүгедектігіне немесе басқа да  ерекшеліктеріне қарамастан барлық білім алушыларға, қызметкерлерге және қоғамдастық мүшелеріне тең мүмкіндіктер беруге міндеттенеміз.

Біз университеттің барлық мүшелері үшін білім беру ресурстарына, бағдарламаларына және қызметтеріне тең қолжетімділікті қамтамасыз етуге міндеттенеміз. Бұған белгілі бір топтардың қатысуына кесел болатын кедергілерді жою бойынша белсенді шаралар кіреді..

Біз әртүрлілікті күш пен инновацияның қайнар көзі ретінде бағалаймыз. Университет бай және көп қырлы білім беру ортасын құру үшін әртүрлі мәдени, әлеуметтік және экономикалық топтардың білім алушылары мен қызметкерлерін белсенді түрде қабылдайды.

Біз әр адам өзін құнды және құрметті сезінетін инклюзивті атмосфераны құруға тырысамыз. Бұл барлық адамдар үшін қауіпсіз және қолдау кеңістігін құруға бағытталған бастамаларды қолдауды қамтиды.