«Экономика, ақпараттық технологиялар және кәсіби білім беру» институты

«Экономика, ақпараттық технологиялар және кәсіби білім беру» институты – 1963 жылы құрылған университеттің бұрыннан келе жатқан құрылымдық бөлімшелерінің бірі. Институттың алғашқы деканы э.ғ.к., доцент А.А.Конкин (1963-1965) болған. Институт құрылған жылы «Экономика және ауыл шаруашылығын ұйымдастыру» мамандығына 45 студент, «Агроэкономика» мамандығына 55 студент қабылданған. 1964 жылдан бастап «Ауыл шаруашылығындағы бухгалтерлік есеп» мамандығына кадрлар дайындығы жүргізілген.

Институттың дамуына үлкен еңбек сіңірген декандар: X.К.Кенжеғұлов (1965-1969), Р.Х.Мясоутов (1969-1971, 1972-1974), Б.Х.Хаиров (1971-1972), Б.Г.Гумаров (1974-1978), Ш.Б.Ермеккалиев (1978-1988), А.Г.Тастеміров (1988-1990, 1992-1996), Б.Т.Төлебаева (1990-1992), С.И.Мендалиева (1996-1998), А.Ш.Шамғонов (1993-2003 ж.ж. «Есеп және аудит» факультетін басқарды), Р.Сатқанова (1998-2000), М.А.Мансурова (2000-2003), И.В.Богдашкина (2003-2005), А.А.Айдаралиева (2005-2007, 2009), А.Д.Ибыжанова (2007-2009), Р.С.Габдуалиева (2010-2015), А.М.Қазамбаева (2015-2020). Қазір институтты доцент, экономика ғылымдарының кандидаты  Жанар Құттықбайқызы Ержанова басқарады.

Институттың қалыптасуына өз үлестерін қосқан жоғары мектеп жетекшілері: Х.К.Кенжеғұлов, Б.Г.Гумаров, Е.Х.Гиззатов, Н.Н.Солоха, A.M.Воронова, К.Г.Ахметов, Б.К.Джумашев, Б.Т.Төлебаева, П.В.Ковель, А.Ш.Шамғонов, А.П.Вишневская, Б.Г.Искакова, А.Д.Исмагулов, Н.Д.Вишневский, М.А.Мансурова, С.Ж.Жақсығалиева, Е.Г.Габдрахманов, Р.Г.Сатқанова, Т.Н.Траисова, А.Н.Бурахта, Б.С.Есеналиев, С.Х.Бисенов, А.Ұ.Сұлтанов, Н.Н.Пащенко.

Институтта қайта түрленген инновациялық экономиканың кез келген сұрағына тиімді жауап беруге қабілетті, қуатты көпсалалы ғылыми топ құрылуда. Институт оқытушылары ғылыми-зерттеу жұмыстарымен айналысады. Жоғары мектептерде 3 ғылыми тақырыпта жұмыс жүргізілуде. Оқытушылар жыл сайын өтетін халықаралық, республикалық, аймақтық және университеттік ғылыми-тәжірибелік конференцияларға қатысу қорытындылары бойынша жүлделі орындарға ие болып жүр. Институт республикалық және аймақтық әртүрлі бағдарламаларды әзірлейтін органдармен шарттық негізде қызмет жүргізеді.

Біздің түлектеріміз бүгінгі күні азық-түлік және қайта өңдеу саласындағы кәсіпорындарда, әр түрлі бизнес құрылымдарында, халыққа қызмет саласында, банктерде, мемлекеттік басқару органдарында, салық органдарында және басқа да мекемелерде жұмыс істейді. Сонымен қатар оқытылатын мамандық экономикалық пәндер бойынша Қазақстанның жоғарғы оқу орындарында және колледждерде, ғылыми-зерттеу және жобалық институттарда табысты қызмет етуге, шетелдік және бірлескен кәсіпорындарда қатаң сайыстық іріктеуден өту арқылы жұмыс істеуге мүмкіндік береді.