“EcoFuture: Таза Қазақстан” квест ойыны

Жәңгір хан университетінің «Өнеркәсіптік экология» білім беру бағдарламасының 1-курс студенттерінен құралған “БҚАТУ экологтары” командасы “EcoFuture: Таза Қазақстан” квест ойынында 1-орынды жеңіп алды. “Заң мен тәртіп” тұжырымдамасы аясындағы шараны Орал қаласының ақпараттық-талдау және жастармен жұмыс жөніндегі ресурстық орталығы ұйымдастырды. Квест ойынына ЖОО-нан барлығы 6 команда қатысты. Ойынның мақсаты – қатысушылардың экологиялық мәдениетін қалыптастыру, қоршаған ортаны қорғау, командалық жұмыс, көшбасшылық және жылдам шешім қабылдау дағдыларын дамыту.